|
Fyrra Krýnikubók, kapittul 7 Ætt Issakars v1Synir Issakars vóru Tóla, Pua, Jásjub og Sjimron, fýra í alt.v2Synir Tóla: Uzzi, Refaja, Jeriel, Jámai, Jibsam og Sjemuel, ættarhøvdingar teirra, ið komnir vóru av Tóla, reystar hetjur. Eftir ættartali teirra á døgum Dávids kom tal teirra upp í tjúgu og tvey túsund og seks hundrað.v3Synir Uzzi: Jizraja. Synir Jizraja: Mikael, Óbadja, Jóel og Jissjija; allir hesir fimm vóru oddamenn.v4Til teirra taldust eftir ættartali og eftir ættum teirra vígbúnir hermannaflokkar, tríati og seks túsund mans; tí at teir høvdu nógvar konur og nógv børn.v5Brøður teirra, allir av Issakars ætt, vóru reystir kappar; teir vóru allir skrásettir í ættartali og komu upp í áttati og sjey túsund. Ætt Benjamins v6Synir Benjamins: Bela, Beker og Jediael, tríggir í alt.v7Synir Bela: Ezbon, Uzzi, Uzziel, Jerimot og Iri, sum allir fimm vóru ættarhøvdingar og reystir kappar; og teir av teimum, ið skrásettir vóru í ættartali, komu upp í tjúgu og tvey túsund og tríati og fýra.v8Synir Bekers: Zemira, Jóasj, Eliezer, Eljóenai, Omri, Jeremot, Ábia, Ánatot og Álemet; allir hesir vóru synir Bekers;v9teir, sum skrásettir vóru í ættartali eftir uppruna sínum, ættarhøvdingar, reystir kappar, komu upp í tjúgu túsund og tvey hundrað.v10Synir Jediales: Bilhan. Synir Bilhans: Jeusj, Binjamin, Ehud, Kenáana, Zetan, Tarsjisj og Áhisjahar;v11allir hesir vóru synir Jediaels, ættarhøvdingar og reystir kappar, seytjan túsund og tvey hundrað vígførir menn.v12Sjuppim og Huppim vóru synir Irs, og Husjim vóru synir Áhers. Ætt Naftali v13Synir Naftali vóru: Jáhaziel, Guni, Jezer og Sjallum. Synir Billu: ... Ætt Manasse v14Synir Manasse, sum áramitiska hjákona hansara føddi: Hon føddi Mákir, faðir Gileads.v15Gilead tók sær konu, Máaka at navni; systir hansara æt Hammoleket, og bróðir hans æt Zelofhad; Zelofhad átti einans døtur.v16Máaka, kona Gileads, føddi son, sum hon nevndi Peresj; og bróðir hansara æt Sjeresj; synir hans vóru Ulam og Rekem.v17Synir Ulams: Bedan. Hesir vóru synir Gileads Mákirssonar Manassesonar.v18Systir hansara Hammoleket føddi Isjhod, Ábiezer og Mála.v19Synir Sjemida vóru: Ájan, Sjekem, Likhi og Ániam. Ætt Efraims v20Synir Efraims: Sjútela – sonur hansara var Bered, sonur hansara Táhat, sonur hansara Eleada, sonur hansara Táhat,v21sonur hansara Zábad, sonur hansara Sjútela – Ezer og Elead; men menninir úr Gát, sum vóru føddir í landinum, drópu teir, tá ið teir komu oman at ræna fenað teirra.v22Faðir teirra Efraim syrgdi teir leingi; og brøður hansara komu at ugga hann.v23Síðan gekk hann innar til konu sína; og hon varð við barn og føddi son, ið hon nevndi Beria, tí at ógæva hevði borist á í húsi hans.v24Dóttir hansara var Sjeera; hon bygdi niðara og ovara Bet-Hóron og Uzzen-Sjeera.v25Sonur hansara var Refa, sonur hansara Resjef, sonur hansara Tela, sonur hansara Táhan,v26sonur hansara Ládan, sonur hansara Ammihud, sonur hansara Elisjáma,v27sonur hansara Nun, sonur hansara Jósva.v28Ognir teirra og bústaðir vóru Betel við torpum íkring eystur at Náaran og vestur at Gezer við torpunum íkring; framvegis Sikem við torpum sínum alt at Ajja við torpum.v29Fram við landamarki Manassita Bet-Sjean við torpunum íkring, Táanak við torpunum íkring, Megiddo við torpunum íkring og Dór við torpunum íkring; í teimum búðu synir Jósefs Ísraelssonar. Og ætt Ásjers v30Synir Ásjers: Jimna, Jisjva, Jisjvi og Beria. Systir teirra æt Sera.v31Synir Beria: Heber og Malkiel, ið var faðir at Birzajit.v32Heber gat Jaflet, Sjómer, Hótam og systur teirra Sjúu.v33Synir Jaflets: Pásak, Bimhal og Asjvat. Hesir vóru synir Jaflets.v34Synir Sjemers: Áhi, Róga, Hubba og Áram.v35Synir Hótams, bróður hans: Zófa, Jimna, Sjelesj og Ámal.v36Synir Zófa: Sua, Harnefer, Sjúal, Beri, Jimra,v37Bezer, Hód, Sjamma, Sjilsja, Jitran og Beera.v38Synir Jeters: Jefunne, Pispa og Ára.v39Synir Ulla: Ára, Hanniel og Rizja.v40Allir hesir vóru synir Ásjers, ættarhøvdingar, fráskila reystmenni, fremstir millum høvdinga; tal teirra, ið skrásett var í ættartalinum sum vígførir, kom upp í tjúgu og seks túsund mans. |