|
Hósea, kapittul 8 Guðs vreiði yvir gudsdýrkan Ísraels v1Varðmaður, bregð lúðurin á munn og lat hann gella yvir Harrans húsi; tí at sáttmála mín hava tey slitið og verið ótrúgv móti míni lóg.v2Tey rópa til mín: «Guð mín! Vit Ísraelsmenn kenna teg!»v3Men Ísrael hevur havnað tí góða, lat nú fíggindan elta hann!v4Tey kjósa sær kong, sum ikki er frá mær, høvdingar, uttan at eg veit av. Av silvuri sínum og gulli tey gjørdu sær gudamyndir sjálvum sær til bana.v5Andstyggiligur er kálvur tín, Sámária! Bræði mín brennur móti teimum; nær fara tey at sleppa undan revsing?v6Tí at hann er úr Ísrael; listamaður hevur hann smíðað; hann er ikki Guð, tí skal kálvur Sámáriu fara í spønir. Hinir fremmandu verða fólkinum at bana v7Tí at vind hava tey sáað, og storm skulu tey heysta, sáð, sum ikki sprettur og ikki búnast; og um tað búnast, høvdu fremmandir farið við tí.v8Ísrael er gloyptur; hann er nú tjóðanna millum eins og ker, ið eingin skoytir um.v9Tí sum einsamallur reikandi villasni fóru tey til Assurs, ástargávur góvu tey Egyptalandi.v10Men lat tey gera keypslag við gávum. Eg skal tá savna tey til dóms, so at tey um bil skulu hvørki salva sær kong ella høvdinga aftur. Dómsorð yvir falska gudsdýrkan v11Ja, Efraim reisti mong altar, men tey vórðu honum til syndar.v12Eg skrivaði honum mangar lógir, men tær vóru honum eins og lógir hinna fremmandu.v13Tey elska offur, tey slátra og eta, men Harrin hevur ongan tokka í teimum; nú minnist hann misgerðir teirra og revsar teirra syndir; tey skulu aftur til Egyptalands.v14Ísrael gloymdi skapara sín og reisti sær halgidómar, og Júda bygdi mangar víggirdar borgir; men eg seti eld á borgir hans, og hann skal brenna upp skreythallir hans. |