|
Bræv Paulusar ápostuls til Kolossumanna, kapittul 4 Áminning um bøn v2Verið áhaldandi í bønini, við tað at tit eru árvaknir í henni við takkargerð,v3so at tit eisini biðja fyri okkum við, at Guð má lata okkum upp einar dyr fyri orðinum til at tala loyndarmál Krists, fyri hvørs skuld eg eisini eri bundin,v4til tess at eg kann opinbera tað soleiðis, sum eg eigi at tala. Áminning um vísdóm í verumáta v5Umgangist við vísdómi tey, sum eru uttanfyri, so at tit keypa hina lagaligu stundina!v6Tala tykkara veri altíð dámlig, kryddað við salti, so at tit vita, hvussu tit eiga at svara einum og hvørjum serstakliga. Týkíkus og Onesimus skulu siga frá, hvussu Paulusi veit við v7Hvussu tað veit við hjá mær, skal Týkíkus, hin elskaði bróðirin og trúgvi tænarin og samtænarin í Harranum, gera tykkum alt samalt kunnigt;v8hann sendi eg til tykkara, beint tí at tit skulu fáa at vita, hvussu tað stendur til hjá okkum, og tí at hann skal ugga hjørtu tykkara,v9saman við Onesimusi, hinum trúgva og elskaða bróðurinum, sum er frá bygd tykkara. Teir skulu greiða tykkum frá, hvussu alt stendur til her. Heilsanir; hann biður teir býta um bræv við Laodikeu; ein serlig áminning til Arkippus v10Aristarkus, samfangi mín, letur heilsa tykkum, og Markus, systkinabarn Barnabasar, sum tit hava fingið boð um, – um hann kemur til tykkara, tá takið ímót honum –v11og Jesus, sum kallast Justus, sum av hinum umskornu eru teir einastu samarbeiðarar fyri Guðs ríki, sum eru vorðnir mær ein troyst.v12Epafras letur heilsa tykkum, hann sum er frá bygd tykkara, ein Krists Jesu tænari, sum altíð stríðir fyri tykkum í bønum sínum, fyri at tit mega standa fullkomnir og fullvísir í øllum vilja Guðs.v13Tí at eg gevi honum tann vitnisburð, at hann hevur mikið stríð fyri tykkum og teimum í Laodikeu og teimum í Hierapolis.v14Lukas, hin elskaði læknin, letur heilsa tykkum, og Demas.v15Heilsið brøðrunum í Laodikeu og Nymfas og kirkjuliðinum í húsum teirra.v16Og tá ið hetta brævið er lisið upp hjá tykkum, gerið tá tað, at tað eisini verður lisið upp í kirkjuliðinum hjá Laodikeumonnum, og at tit eisini lesa brævið frá Laodikeu!v17Og sigið við Arkippus: «Gev gætur eftir teirri tænastuni, sum tú hevur tikið við í Harranum, at tú útinnir hana!» Heilsan við egnari hond v18Heilsanin við míni, Paulusar, egnu hond. Minnist til leinkjur mínar! Náðin veri við tykkum! |